CrossFit Sport

Þjálfun sem passar þér

CrossFit Sport býður upp á markvissa hópþjálfun fyrir fólk á ólíkum aldri, með ólík markmið og mismikla reynslu.

Hvort sem þú vilt verða sterkari, bæta heilsuna, koma þér aftur af stað eða taka CrossFit lengra, þá finnum við leið sem hentar þér.

Við leggjum áherslu á faglega þjálfun, góða hreyfingu og sterkt samfélag – þannig að þú fáir sem mest út úr þeim tíma sem þú leggur í æfingarnar.

Við erum með þrjá sali með þeim tækjum og aðstöðu sem þarf til að stunda fjölbreytta þjálfun.

Sem iðkandi CrossFit Sport hefur þú einnig aðgang að tækjasal og aðstöðu Sporthússins, þar á meðal heitum potti, þurrgufu og köldum potti.

Við leggjum mikla áherslu á að þjálfunin sé fagleg, örugg og skemmtileg.

Tvær leiðir – eitt samfélag

Við vitum að fólk kemur í ræktina af ólíkum ástæðum.

Sumir vilja einfaldlega styrkjast og líða betur. Aðrir elska áskorunina sem fylgir CrossFit og vilja þróa færni sína og frammistöðu.

Þess vegna bjóðum við upp á tvær meginleiðir:

C-FUN

Fyrir þig sem vilt verða sterkari, hreyfa þig og líða betur.

C-FUN er markviss þjálfun fyrir fólk sem vill byggja upp styrk, þol og hreyfigetu í góðu samfélagi – án þess að þurfa að stunda hefðbundið CrossFit.

Áherslan er á:

• Styrktarþjálfun
• Þol og úthald
• Hreyfigetu og liðleika
• Örugga og góða líkamsbeitingu
• Markvissa uppbyggingu

C-FUN byrjar sem 8 vikna námskeið. Upplýsingar um næsta námskeið má nálgast hér

CrossFit (C-FIT)

Fyrir þig sem vill stunda CrossFit og þróast áfram.

C-FIT er okkar CrossFit-leið. Þar er unnið með fjölbreyttar hreyfingar og alla helstu þætti CrossFit – styrk, þol, úthald, kraft, hraða, samhæfingu, snerpu og jafnvægi.

C-FIT hentar bæði þeim sem vilja einfaldlega hafa gaman af CrossFit og þeim sem vilja auka frammistöðu sína.

Ný í CrossFit?
Við mælum með að byrja á CrossFit Grunni áður en þú ferð í almenna CrossFit tíma.

Upplýsingar um næsta grunnnámskeið má nálgast hér

Fleiri leiðir til að bæta þjálfunina

Í tímatöflunni bjóðum við upp á sérhæfða tíma sem hægt er að nýta með aðal þjálfuninni.

Oly

Þriðjudagar og fimmtudagar kl. 17:15.

Áhersla á styrktarvinnu og tækni sem styður við ólympískar lyftingar.

Teygjutímar

Sunnudaga kl. 11:15 í heitum sal

Góðar og djúpar teygjur til að auka endurheimt í komandi viku.

Pop-up tímar

Sérstakir tímar sem koma inn eftir áhuga og eftirspurn iðkenda.

Til dæmis:

„Steinunn kennir butterfly upphífingar.“

eða

„Halli tekur styrktar- og teygjuæfingar með áherslu á mjóbak.“

Krakka- og unglingaþjálfun

CrossFit Sport fyrir yngri kynslóðina

Við bjóðum einnig upp á sérhæfða styrktar- og þrekþjálfun fyrir börn og unglinga.

Krakkaþjálfun – 4.–6. bekkur

Áhersla á styrk, snerpu, samhæfingu, fimleika og þol – með áherslu á góða hreyfingu og jákvæða upplifun af hreyfingu.

Unglingaþjálfun – 7.–10. bekkur

Markviss styrktar- og þrekþjálfun sem getur bæði verið aðal íþrótt eða viðbót við aðrar íþróttir.

Skoða krakkanámskeið hér og unglinganámskeið hér

Sporthúsið

CrossFit Sport er staðsett í Sporthúsinu í Kópavogi þar sem iðkendur hafa aðgang að fjölbreyttri aðstöðu bæði innan- og utandyra.

Góðar hlaupaleiðir eru í næsta nágrenni og á sumrin flytjast æfingarnar oft út undir beran himin.

Og já – stundum gengur svæðið undir nafninu Costa del CrossFit Sport.