Hvað er SportHIIT

SportHIIT er einstaklingsmiðuð þjálfun sem hentar öllum, þar sem hver og einn fær að vera á sínum forsendum. Tímarnir eru hóptímar sem fara fram í lokuðum sal. Í SportHIIT æfir fólk sem:

• - er að taka sín fyrstu skref í líkamsrækt
• - er búið að vera lengi í líkamsrækt eða íþróttum
• - er með þyngdarvandamál
• - vill bæta á sig massa
• - vill bæta þol sitt

SportHIIT er fyrir alla, hvort sem fólk er í sínu besta formi eða ekki.

Allir geta æft saman þar sem æfingarnar eru fjölbreyttar og ef eitthvað hentar ekki vel þá finna þjálfarar lausn á því með þér. Þín markmið er okkar vegferð!

Í SportHIIT er notast við High Intensity Interval Training (HIIT)

Æfingakerfið er byggt upp á lotuþjálfun, ýmist er unnið í ákveðinn tíma eða framkvæmdar ákveðnar endurtekningar af æfingum á tíma. Æfingarloturnar og endurtekningarnar eru mismunandi, allt eftir því hvert markmið æfingarinnar er. Markmið æfingarinnar getur verið að auka styrk, þol og/eða brennslu.

Áherslur SportHIIT

Í SportHIIT er lögð áhersla á gæði hreyfinga. Mikilvægt er að fólk æfi á sínum hraða og á sínum forsendum, auk þess er lögð áhersla á að hafa æfingaprógrammið fjölbreytt og skemmtilegt þannig að fólk geti komið og haft gaman af því að mæta í líkamsrækt!

Búnaður sem notast er við í SportHIIT er til dæmis:

• - Ketilbjöllur
• - Eigin þyngd
• - Kaðlar
• - Sandpokar
• - Boltar
• - Assault tæki
• - Teygjur