Um Sporthúsið
Saga Sporthússins
Þann 1. janúar 2008 tóku þeir Þröstur Jón og Ingi Páll Sigurðssynir við rekstri Sporthússins í Kópavogi. Húsnæðið er hátt í 7.000fm. Stór líkamsræktarsalur er á neðri hæð og annar lítill (Sporthúsið Gull) á efri hæð. Í Kópavogi eru 2 fótboltavellir, skvass salur, infrared salur, heitur salur, BootCamp, CrossFit, Týr bardagaíþróttafélag og þar má auk þess finna Sjúkraþjálfunarstofu og Kírópraktorstofa Íslands.
Snemma árs 2012 var gamla íþróttahúsinu á Ásbrú sem áður hýsti starfsemi Bandaríkjahers breytt í ríflega 2.000 fm líkams- og heilsuræktarstöð. Ari Elíasson ásamt eigendum Sporthússins í Kópavogi Þröstur Jón og Ingi Páll Sigurðssyni eiga og reka Sporthúsið í Reykjanesbæ. Stöðin opnaði formlega þann 15. september sama ár.
Í Reykjabesbæ má finna fullbúna heilsulind með gufu, heitum og köldum pottum sem viðskiptavinir hafa aðgang að án auka kostnaðar. Þar eru tveir almennir hóptímasalir, tveir heitir salir en annar þeirra er infrared salur, spinning salur, SportHIIT, HYROX og CrossFit salir. Í húsnæðinu er einnig að finna Líkami & Boost og Unnar Már Ólafsson Osteópata. Barnagæslan Krílabær er fyrir yngstu viðskiptavinina, sem njóta þar í góðu yfirlæti á meðan foreldrarnir rækta líkama og sál.
Viðskiptavinir Sporthússins eru á öllum aldri og óhætt að segja að allir geti fundið eitthvað við sitt hæfi. Markmiðið okkar er að veita framúrskarandi persónulega þjónustu með það að leiðarljósi að viðskiptavinir okkar nái settum markmiðum og varanlegum árangri.
Kópavogur
