Stofan er staðsett á efri hæð Sporthússins ,gegnt aðalinngangi. Þar eru lokaðar starfsstöðvar fyrir fjóra sjúkraþjálfara, ásamt sameiginlegu æfingarými og afgreiðslu. Biðstofan er fyrir framan stofuna.

Óhætt er að segja að um 2000 fermetrar af húsnæði Sporthússins nýtast sjúkraþjálfuninni beint. Á sömu hæð eru rúmgóðir salir sem verða nýttir til hópþjálfunar, t.d. fyrir yfirvigtarfólk, hjarta- og lungnasjúklinga, bakveika o.fl.

Góð aðkoma er að húsinu og næg bílastæði.  Gott aðgengi er fyrir fatlaða og er lyfta milli hæða, hönnuð fyrir hjólastólanotendur.

Stofan er í samstarfi við VIRK starfsendurhæfingu og markmið okkar er að tengjast fleirum endurhæfingarsviðum. Að auki er markmið okkar  að allir okkar viðskiptavinir verði sjálfbjarga og sjálfstæðir varðandi sína heilsurækt og beri ábyrgð á eigin heilsu.

Viðskiptavinir okkar munu eiga greiðan aðgang að þeirri aðstöðu og þjónustu sem Sporthúsið heilsurækt býður upp á.  Með sérþekkingu okkar á stoðkerfinu og hreyfingum, ásamt góðu samstarfi við aðra þjálfara stöðvarinnar, teljum við okkur geta boðið upp á faglega og góða þjónustu í húsi þar sem fjölbreytnin er í fyrirrúmi.

Stofan er í meirihluta eigu undirritaðra, sjúkraþjálfaranna Hildar Kristínar og Sólveigar.  Meðeigendur eru eigendur Sporthússins. Verðum við tvær starfandi til að byrja með, en stefnt er að því að manna stofuna að fullu sem fyrst.  Við munum starfa samkvæmt samningi við Sjúkratryggingar Íslands.

Starfsmenn

Hildur Kristín Sveinsdóttir    

Útskrifaðist úr Íþróttakennaraskóla Íslands að Laugarvatni 1999 sem íþróttakennari. Hún útskrifaðist með B.Sc. í sjúkraþjálfun frá Læknadeild Háskóla Íslands 2004.

Hún hefur áralanga reynslu í þjálfun almennra íþrótta; sund, frjálsar, fótbolta og blak, íþróttaskóla barna o.fl. Hefur þjálfað fatlaða og fjölfatlaða bæði í vatni og landi. Hefur 6 ára reynslu af þjálfun innan heilsuræktarstöðva.  

Hún hefur endurmenntað sig sem hér segir:
•    Námskeið sem snéru að þjálfun inn á heilsuræktarstöðvum
•    Ungbarnasundskennsla
•    Post Partum, kennt af Diane Lee BSR, MCPA, FCAMT
•    Pathophysiology og Mechanics of the Shoulder, kennt af Robert A. Donatelli PhD, PT, OCS
•    Nálastungunámskeið, kennt af Magnúsi Ólafssyni lækni
•    Introduction Of The Pelvic Girdle, Diane Lee
•    Sport Specific Rehabilitation, Robert A. Donatelli
•    Pathomechanics, Evaluation, and Treatment of the Hip, Knee and Foot, Robert A. Donatelli
•    Discover The Pelvis, Diane Lee
•    Fræðst um: Nálgun og greiningu Sharman á vöðvaójafnvægi kringum liði og Kinesio taping

 Hildur hefur sérstakan áhuga á Manual therapy, meðgöngutengdum vandamálum og íþróttasjúkraþjálfun.

Sólveig Þráinsdóttir

Útskrifaðist frá Háskóla Íslands með Bs-gráðu í sjúkraþjálfun 1980

Starfsreynsla:
•    Byrjaði með reglulega sjúkraþjálfun á Húsavík
•    Tók þátt í uppbyggingu heilsuþjálfunar á Reykjalundi
•    Þjálfun fatlaðra barna og ungmenna
•    Yfirsjúkraþjálfari Bjargi, endurhæfingarstöð Sjálfbjargar í 3 ár
•    Ráðgjöf og þróunarvinna Össuri
•    Kennsla í íþróttafræðum, líkamsbeitingu og vinnuvernd í Iðnskóla Reykjavíkur
•    Yfirsjúkraþjálfari í Heilsustofnun NFLÍ, Hveragerði í 2 ár
•    Uppbygging á fyrirtæki að nafni Vita nova. Námskeiðshald og fræðsla um forvarnir á vinnustöðum.
•    Sjúkraþjálfari á MT stofu
•    Starfaði á Styrktarfélagi vangefinna
•    Starfsmaður við Hjálpartækjamiðstöð Tryggingastofnunar Íslands
•    Ráðgjöf og göngugreining í Össuri
•    Yfirsjúkraþjálfari við hjúkrunarheimilið Sunnuhlíð í 6 ár.
 

Sólveig hefur sótt fjöldann allan af námsskeiðum, tengdan starfssviði hverju sinni.
Hún hefur sérstakan áhuga á forvörnum, t.d. varðandi íþróttameiðsl og önnur álagsmein.  Vill vinna með hópum þar sem fræðsla er tengd æfingum. 
Eldra fólk er sérstaklega velkomið til Sólveigar.