Krakka- & unglinganámskeið CrossFit Sport

---

Við bjóðum upp á fjölbreytta, skemmtilega og krefjandi líkamsrækt fyrir duglega krakka og unglinga sem langar að taka miklum framförum og koma sér í frábært form.

Námskeið er 4 vikur að lengd

Síðustu námskeið fylltust

ATH! skráningarferlið hér að neðan er ekki í gildi. Skráning er á crossfitsport@crossfitsport.is með upplýsingum um nafn og kennitölu einstaklings. Skráning telst gild um leið og greiðsla hefur borist

TAKMARKAÐUR FJÖLDI Í HVERJUM HÓP!

---

---

STYRKTARÞJÁLFUN BARNA OG UNGLINGA

Krakkar yngri en 12 ára hafa enga þörf fyrir að æfa með lóðum og því munum við halda okkur við æfingar þar sem þau þurfa í mesta lagi að ráða við eigin líkamsþyngd. Áhersla verður lögð á að kenna rétta líkamsbeitingu og tækni með leikjum og þrautum, og höfuðáhersla lögð á að börnin skemmti sér í virku og krefjandi umhverfi.

Á unglinganámskeiðum CrossFitSport vinnum við fyrst og fremst með líkamsþyngd þátttakenda og leggjum alltaf höfuðáherslu á öryggi og heilsu þeirra. Við gerum okkur fulla grein fyrir því að unglingsárin eru viðkvæmt þroskaskeið þar sem í langflestum tilfellum er óviðeigandi að vinna með miklar utanaðkomandi þyngdir. Aftur á móti munum við leggja ríka áherslu á að kenna rétta líkamsbeitingu, styrkja kjarnavöðva og viðhalda eðlilegum liðleika í gegnum hraðvaxtaskeið, til þess að unglingurinn hafi alla burði til þess að leggja stund á hefðbundnar styrktaræfingar þegar hann hefur þroska til.

Við ætlum okkur að skapa jákvætt, uppbyggilegt, skemmtilegt en jafnframt kröfuhart umhverfi þar sem börnin og unglingarnir munu læra um og ástunda heilbrigða lifnaðarhætti. Þau fá að reyna það á sjálfum sér hvernig ástundun, vinna og agi skilar árangri á ýmsum sviðum líkamlegs og andlegs atgervis. Frekari upplýsingar um innihald námskeiðanna má finna hér

Allar nánari upplýsingar um starfsemi CrossFit Sport er að finna á vefsíðu þeirra, http://www.crossfitsport.is og hjá eiganda og yfirþjálfara CrossFit Sport, Leifi Geir Hafsteinssyni, í síma 773-1212 eða crossfitsport@crossfitsport.is